Trøll-Tue

Trøll-Tue er et utebibliotek, der barn kan lese eller få lest opp bøker på turen. Du finner bøkene på Høllekølten, Geiteberget og langs Hemsilstigen.

I sommar startar Trøll i ord og Hemsedal bibliotek Trøll-tuer: utebibliotek for barn i Hemsedal.

Ei Trøll-tue er eit annleis bibliotek ein kan besøke når ein er på tur. Det er ope i heile sommar og er heilt sjølvbetent. Alle som kjem til ei Trøll-tue kan finne seg ei bok, setje seg ned og lese i vakre omgivnader og så leggje boka tilbake igjen før dei går.

Trøll-tuene i Hemsedal vil vere:

- På Høllekølten

- På Geiteberget

- Langs Hemsilstigen (ved bålplassen nær Krikken renseanlegg)

Dette er enkle turmål som er godt eigna for småfolk på tur.

Trøll-tuene blir drive av Hemsedal bibliotek og Trøll i ord.

Om Trøll i ord: Trøll i ord er eit samarbeid mellom Hemsedal bibliotek og Hemsedal mållag og har som mål å formidle nynorsk leseglede til barn og vaksne i Hemsedal. Trøll i ord blei starta i 2004.